Tbilisidə azərbaycanlılar və gürcülər arasında kütləvi dava: Xəsarət alanlar var

7-10-2019, 22:10

Gürcüstanın paytaxtı Tbilisinin mərkəzində kütləvi dava olub.

TEZXEBER.AZ-ın məlumatına görə, "Report”un Gürcüstan bürosu xəbər verir ki, gürcülər və etnik azərbaycanlılar arasında qarşıdurma baş verib.

Nəticədə bir azərbaycanlı xəstəxanaya çatdırılıb, digərlərinə isə ilkin tibbi yardım göstərilib.

Xəsarət alanlar onlara hücum edənlərin 5 nəfər olduğunu deyiblər.

Gürcüstanın Daxili İşlər Nazirliyindən bildirilib ki, qarşıdurma etnik zəmində baş verməyib. Azərbaycanlılara qarşı fiziki güc tətbiq edənlər hələ saxlanılmayıb. İnsidentlə bağlı istintaq başlanılıb.