Polşada yaşayan azərbaycanlılar pulsuz hüquqi yardım alacaqlar

13-01-2020, 18:09
Polşada yaşayan azərbaycanlıların hüquqi məsələlərlə bağlı problemlərinin həlli üçün Polşa Azərbaycanlıları Koordinasiya Şurasının təşəbbüsü və Azərbaycan Respublikasının Diasporla İş Üzrə Dövlət Komitəsinin dəstəyi ilə tam təmənnasız vəkil xidmətləri təqdim ediləcək.
TEZXEBER.AZ azərtac-a istinadən xəbər verir ki, vəkil Piotr Saviçki hüquqi yardıma ehtiyacı olanları yanvarda hər həftənin cümə axşamı günü (16, 23, 30 yanvar) saat 16:00-18:00-da Polşa Azərbaycanlıları Assosiasiyasının ofisində qəbul edərək, onlara pulsuz yardım göstərəcək.